नाझी जर्मनी, दुसरं महायुद्ध, ज्यूंच्या छळछावण्या... ही या कादंबरीची पार्श्वभूमी. परंतु कादंबरीचा विषय मात्र हा नव्हे. मायकल बेर्ग : पंधरा वर्षांचा शाळकरी मुलगा. हाना : पस्तिशीची. नाझींच्या कुख्यात `एसएस'च्या छळछावणीतली पहारेकरी. त्यांच्यातले शारीर-प्रेम-संबंध. तरीही तिचं अचानक नाहीसं होणं. त्याची फरफट. तिचीही...! त्याचं वकिलीचं शिक्षण. आणि अचानक... आरोपी म्हणून हानाचा त्याच्या आयुष्यात पुन्हा प्रवेश. आणि तिचं ते गुपित अमानुष पार्श्वभूमीवरची ही मानवी कादंबरी - द रीडर

"When you build a bridge, you build something for all times", said Joseph Strauss, the architect of the iconic Golden Gate Bridge in San Francisco. The Bandra-Worli Sea-Link holds a similar place in the life of Mumbaikars, especially the suburbanites. It is the first bridge in India to be constructed in the open sea. It is also the longest cable-stayed bridge in the country. It is an edifice of magnificence built by Indian engineers, contractors and workers with confidence and pride. It has joined the CST and the Gateway of India as an identity of Mumbai. The book tells the story of the challenges, trials and hardships faced by those who created it and brings out the satisfaction, joy and pride which they rightly feel on completion of the project.

'त्याच्या प्रवेशाआधी सजीवांचे होते निव्वळ गट - पशू, पक्षी, कीटक, जलचर, फळझाडे, फुलझाडे, वृक्ष, वेली... हा सारा पसारा त्यानं शिस्तीत मांडला. गटांमधल्या प्रत्येकाचं त्यानं बारसं केलं. माहीत असलेल्या सजीवांचं त्यानं केलं वर्गीकरण. प्रत्येक प्रकारच्या सजीवाला त्यानं बहाल केलं एकेक स्वतंत्र वैशिष्ट्यपूर्ण नाव. आणि हे नावच बनलं त्या सजीवाच्या जातीची ओळख. जीवशास्त्रानं ही वैज्ञानिक पद्धत कायमची स्वीकारली.'

महिला बचत गट. अधून-मधून कानावर येणारे शब्द. पण त्यांची सुरुवात, प्रसार, उपयुक्तता अशा तपशिलाच्या खोलात बाहेरचं फारसं कुणी जात नाही. फार फार तर चटण्या-मसाले बनवणाऱ्या बायका' एवढ्यावर बोळवण होते, किंवा बायका बायका जमून काही करताहेत, तर करू द्या,' इतपत उदारपणा दाखवला जातो! थेंबे थेंबे तळे साचे' ही म्हण तशी खूप जुनी. पण तिला नवा अर्थ दिला, तो बचत गटातल्या गरीब पण होतकरू व धडपडणाऱ्या महिलांनीच. ग्रामीण स्त्रियांनी रुपया रुपया जिवापाड वाचवून बचत गटात घातला; तर तो वाढतो, वेळेला उपयोगी पडतो आणि बाईचा आत्मसन्मानही वाढवतो... महिला बचत गटातून विधायक आर्थिक बदल घडवणाऱ्या सभासद बायका, त्यांच्या पाठीशी उभ्या राहणाऱ्या व्यक्ती-संस्था आणि शासनाच्या सकारात्मक योजना या सगळ्यांची वाटचाल जिव्हाळ्यानं पाहायचा हा प्रयत्न. महिला बचत गटांच्या प्रवासाचा नि फलितांचा लेखाजोखाच जणू !

'पालक, शिक्षक आणि विद्यार्थी या सर्वांसाठी रेडी रेकनर सायबर सिक्युरिटी मेडिको मार्केटिंग शहर नियोजन संवादकौशल्य वास्तुशास्त्र बौध्दिक संपदा संरक्षण फोरेन्सिक सायन्स ग्रामीण विकास सुगंधनिर्मिती संगीतोपचार क्रीडाव्यवस्थापन टेक्निकल रायटिंग रोबोटिक्स न्यूक्लियर इंजिनियरिंग नॅनोटेक्नॉलॉजी अँनिमेशन सौंदर्यसंवर्धन फूडमॅपिंग फायरसेफ्टी या आणि अशाच इतर अनेक विद्याशाखांमधील नवनवीन अभ्यासक्रमांची संकलित माहिती.