Vanmayeen Ugantar Ani Shri. Pu. Bhagvat | वाङ्मयीन युगान्तर आणि श्री.पु.भागवत

त्यांच्या जन्मशताब्दीच्या वर्षात वाङ्मयीन युगान्तर आणि श्री.पु.भागवत या ग्रंथाची निर्मिती करण्यात आली आहे. मौज साप्ताहिक, सत्यकथा मासिक आणि मौज प्रकाशनगृह ; या तिन्ही विभागांनी वाङ्मय आणि कला या क्षेत्रांत श्री. पु. भागवतांच्या नेतृत्वाखाली केलेल्या कार्याचे आणि या तिन्ही विभागांत श्री.पु. भागवतांनी केलेल्या संपादनाचे स्वरूप वस्तुनिष्ठ भूमिकेतून तपासण्याचा हा प्रांजळ प्रयत्न आहे. श्री. पु. भागवतांनी केलेल्या कार्याची गुणवत्ता आणि त्यातील त्रुटी निश्चित कराव्यात, तसेच सत्यकथा आणि मौज प्रकाशनगृह यांच्याद्वारे वाङ्मयीन युगान्तर खरोखरीच घडले काय, हे काटेकोरपणे तपासावे, हेही हेतू या ग्रंथाच्या निर्मितीमागे आहेत. या ग्रंथात ज्यांनी लेखन केलेले आहे, ते सर्व मराठीतील मान्यवर समीक्षक आणि अभ्यासक असून या सर्वांनीच आपले लेखन तटस्थपणे आणि शास्त्रीय लेखनाची शिस्त पाळून केले आहे.